AFP, TUMANGGING MAGKOMENTO SA DOKUMENTONG NAGPAPAKITA UMANO NG ELCAC BADYET SA NON-NPA AREAS
Ni Joan Alcantara
Photo: AFP
LUNGSOD NG QUEZON—Tumangging magkomento si Armed Forces of the Philippines (AFP) Spokesperson MGEN Ed Arevalo ukol sa isyu ng diumano’y dokumentong magpapakita na ilang parte ng badyet na nilaan ng End Local Communist Armed Conflict para sa Barangay Development Plan ay nasa highly urbanized barangays na hindi naman New People’s Army area hangga’t hindi pa nila ito nakikita.
Sa kabila nito, nagpahayag ng kumpiyansa ang Spokesperson sa kabuuang layunin ng dokumento.
“The ultimate intent is to end this more than five decades of communist scourge, lies, and deception that only brought death, destruction, divisiveness of Filipinos,” pahabol ng Spokesperson.
Binigyang-diin ni MGEN Arevalo na ang communist terrorist group ang kabaligtaran ng peace at development sa bansa.
