ABU SAYYAF COMMANDER, SUICIDE BOMBER PATAY SA SAGUPAAN SA MGA PULIS SA SULU

admin

Ni Trish Alcantara
Photo: PNP-PIO
Share on facebook
Facebook
Share on twitter
Twitter
Share on email
Email

Patay ang isang notorious Abu Sayyaf sub-leader at tatlo pa nitong kasama, kabilang na ang kapatid ng Jolo Cathedral bomber na si Mundi Sawadjaan, sa isang police counter-terrorism operation sa Sulu nitong Hunyo 13.

Nakilala ang mga natigok na suspek na sina Comm. Injam Yaddah, Al-Al Sawadjaan, at isang alyas “Rauf/Raup”.

Isang hindi pa nakikilalang diumano’y Abu Sayyaf member din ang napatay, samantalang arestado naman ang asawa ni Yaddah na si Jenalyn Habibi Jairi alyas “Jhing”.

Nareskyu naman ang tatlong anak ni Yaddah sa nasabing operasyon.

Hahainan sana ng warrant of arrest si Yaddah, Jairi, at mga kasama ng mga ito sa Upper Alat Brgy. Alat Jolo, Sulu ng 1:30 a.m. ng madaling araw nang makipagputukan sa mga pulis.

Nakuha sa encounter site ang isang M16A1 na kargado ng bala, isang cal.45 na kargado rin, IED components, isang cellphone, isang Red Honda XRM, at detonating cords at blasting cap.

Sangkot diumano si Yaddah sa iba’t ibang kaso ng kidnapping ng foreign nationals, na ang pinakahuli ay si Rex Triplett sa Sirawai, Zamboanga Sibugay noong Setyembre 2020, at lima pang Indonesian nationals sa karagatan ng Malaysia noong Enero 2020. Nareskyu naman ang foreign nationals sa isang operasyon sa Tawi-Tawi.

Suicide bomber at IED-maker naman diumano si Sawadjaan, samantalang Abu Sayyaf member naman si Rauf/Raup sa ilalim ni Yaddah.

Dinala ang mga bangkay sa 11th Infantry Division.

BAWAL PA RIN LAMYERDA SA PINAIKLING CURFEW HOURS — CPNP

admin

Ni Trish Alcantara
Photo: PNA
Share on facebook
Facebook
Share on twitter
Twitter
Share on email
Email

Bawal ang lamyerda sa pinakabago at pinaikling curfew hours sa NCR mula 12:00 a.m. hanggang 4:00 a.m., paalala ni Chief PNP PGEN Guillermo Lorenzo T. Eleazar.

Pinaalalahanan din ng hepe ang lahat ng police units na istriktong ipatupad ang adjusted curfew hours at makipagkoordinasyon sa mga barangay.

“Hindi po ibig sabihin na napaigsi na ang ating curfew hours sa Metro Manila ay magluluwag na po ang ating kapulisan sa pagbabantay. Umaapela at nagpapaalala pa rin po tayo sa publiko na sundin ang bagong curfew at huwag nang maglalamyerda pa pagsapit ng hatinggabi,” babala ng PNP Chief.

Ipinaliwanag din ni PGEN Eleazar na makatutulong ang pinaikling curfew sa economic recovery dahil mas mahaba na ang oras ng malls, restawran, atbp. establisyimento.

“We have always strictly implemented curfew and we will not hesitate to enforce our local ordinances and arrest curfew violators,” saad ng PNP Chief.

DEPED KUKUNSULTA SA DOH AT IATF PARA SA POSIBLENG PAGBABALIK NG F2F CLASSES

admin

Ni Ivy Atompag
Photo: PNA
Share on facebook
Facebook
Share on twitter
Twitter
Share on email
Email

Kukunsultahin ng Department of Education (DepEd) ang IATF-EID at Department of Health (DOH) para sa posibleng pagbabalik ng face-to-face classes kasunod ng pagkaka-detect ng Delta variant ng SARS-CoV-2, isang agent ng COVID-19.

“Ang expertise nila sa pag-aaral ng variant na ito na sinasabi nilang very dangerous, makikinig tayo, kasi sabi ni Presidente dapat mabigyan siya ng assurance na ang mga bata ay safe and he’s looking forward to full vaccination of children,” saad ni DepEd Secretary Leonor Briones sa isang Laging Handa briefing ngayong araw, Hunyo 15.

Sa kabila ng hamon sa posibleng pagbabalik ng face-to-face classes, siniguro ni Briones sa publiko na magpapatuloy ang mga klase at walang mag-aaral ang mapag-iiwanan pagdating sa edukasyon. 

Binigyang-diin din ni Briones na nakadepende pa rin kay Pangulong Rodrigo Duterte kung maaari nang ibalik ang face-to-face at kailangang maibigay sa Pangulo ang lahat ng impormasyon upang tulungan itong gumawa ng wais na desisyon. 

“Right now, he (Duterte) has a choice, the existing law which August (as) the latest opening of classes and if he extends, he can extend up to the first two weeks of September,” paliwanag niya. 

Sa kabila nito aniya, gagamit ng pamamaraang teknolohikal ang DepEd at hindi face-to-face kapag napatunayang mahirap kontrolin ang Delta variant.

“Ang DepEd whether face-to-face, whether online, or radio, or TV, patuloy ang edukasyon ang paraan lamang ang mai-influence nitong bagong Covid variant,” saad ni Briones.

DOT TIWALANG AALISIN NA ANG QUARANTINE PARA SA MGA KUMPLETO NA ANG BAKUNA

admin

Ni Monica N. Ladisla
Source: PNA
Share on facebook
Facebook
Share on twitter
Twitter
Share on email
Email

Tiwala ang Department of Tourism na malapit nang suspindihin ng Inter-Agency Task Force ang pagpapatupad ng quarantine sa mga bakasyunistang kumpleto na ang bakuna.

Sa ulat ni Tourism Secretary Bernadette Romulo-Puyat, kasalukuyan na umano itong pinag-aaralan ng IATF.

“We are hoping that maybe in the future, in a couple of months, we could push for what Phuket is doing. Let’s say that if the tourist destination is vaccinated or the people they’re going to be in touch with, we hope that they will also accept fully vaccinated with no quarantine,” pahayag ni Sec. Puyat.

Kamakailan lamang nang aprubahan ng gobyerno ang pagbiyahe, maging ng mga menor de edad at senior citizens, mula NCR Plus papunta sa mga lugar na nasa general community quarantine at modified general community quarantine.

Nakadepende na umano ang mga restriksyon sa ipinatutupad ng lokal na pamahalaan subalit kalimitan sa mga ito ay tanging negatibong RT-PCR test lamang ang kailangan upang payagang makapasok sa naturang lugar,

“This is in the works, but what is important is that those from Bohol so that we could propose this to the IATF that the required quarantine for fully-vaccinated tourists be removed,” pahayag ni Sec. Puyat.

Ibinahagi rin niya na may paparating na limang libong doses ng bakuna sa Bohol para sa tourism frontliners lalo na sa mga hotel sa lugar na nagsisilbing quarantine facilities.

DILG SA LGUs: ‘TANGGAPIN ANG PHILID CARD BILANG TANGING REQUIREMENT SA MGA TRANSAKSYON NA NANGANGAILANGAN NG ID’

admin

Ni Raiza F. Cabugwang
Photo courtesy of pia.gov.ph
Share on facebook
Facebook
Share on twitter
Twitter
Share on email
Email

Ipinag-utos ng Department of the Interior and Local Government (DILG) sa lahat ng mga lokal na pamahalaan na tanggapin ang Philippine Identification (PhilID) card  bilang single requirement para sa lahat ng mga transaksyon sa bansa na mangangailangan ng ID.

Sa kanyang pahayag noong Linggo, Hunyo 13, 2021, sinabi ni DILG Secretary Eduardo M. Año na naglabas siya ng memorandum na nag-uutos sa lahat ng local government units na ituring ang national ID card bilang sapat na patunay sa pagkakakilanlan ng mga mamamayan, at hindi na kinakailangan pa ng karagdagang mga dokumento mula sa publiko kapag ang nasabing ID ay naipakita na.

Hinikayat din ng Kalihim ang pribadong sektor na sundin ang naturang hakbang.

Ayon pa kay Año, ang PhilID ay mayroong larawan ng rehistradong indibidwal at naglalaman din ito ng mga mahahalagang impormasyon tungkol sa indibidwal, tulad ng buong pangalan, tirahan, kasarian, marital status, at petsa ng kapanganakan — sapat upang mapatunayan ang pagkakakilanlan ng isang mamamayan. Naroon din sa ID ang Philippine Identification System (PhilSys) Card Number, diffractive optically variable image device, Quick Response o QR code, at PhilSys Number (PSN) Microprint para sa mga kadahilanang may kinalaman sa seguridad.

Dagdag pa ni Secretary Año, dapat na samantalahin ng publiko ang pagpaparehistro para sa national ID. 

“Malaking tulong sa pagpapabilis ng mga proseso ang ating PhilID dahil dati dalawa o higit pang ID ang kailangan para mapatunayan ang iyong pagkakakilanlan. Ngayon, iisang ID na lang ang dala-dala mo at pwede na ito sa kahit anong transaksyon na mangangailangan ng ID. The PhilID card reduces costs, simplifies transactions, and makes things easier and more convenient. It also improves government services and reduces red tape in government transactions since all pertinent information of the registered person is already consolidated into one system,” paliwanag ng pinuno ng DILG.

Nagbabala naman si DILG Spokesperson Undersecretary Jonathan E. Malaya na ang hindi pagtanggap o pagkilala sa PhilID o PSN nang walang sapat na kadahilanan ay maaaring humantong sa pagmumulta ng P500,000.00.

Sa mga opisyal at empleyado naman ng pamahalaan na hindi tatanggapin ang national ID, sila ay maaaring pagbawalan nang magtrabaho sa gobyerno, kabilang na sa government-owned and -controlled corporations at mga sangay nito.

MAYORS APRUBADO NA ANG MAS PINAIKLING CURFEW SA METRO MANILA

admin

Ni Raiza F. Cabugwang
Photo courtesy of pna.gov.ph
Share on facebook
Facebook
Share on twitter
Twitter
Share on email
Email

Inanunsyo ni Metropolitan Manila Development Authority (MMDA) Chairperson Benhur Abalos noong Lunes, Hunyo 14, 2021, na sinang-ayunan ng 17 alkalde ng Metro Manila ang desisyon na paiksiin ang curfew hours sa lugar upang makatulong sa pagpapanumbalik ng sigla ng ekonomiya rito.

Ayon kay Abalos, ang  average daily attack rate sa rehiyon, o ang kabuuang bilang ng mga bagong kaso ng Coronavirus disease 2019 (COVID-19) kung ikokonsidera ang kabuuang bilang ng populasyon sa lugar ay bumaba na aniya sa 6.76 porsyento. Samantala, ang bed occupancy rate o ang bilang ng mga kamang nagagamit para sa mga pasyente ng COVID-19 ay bumaba na rin aniya sa 36.3 porsyento.

Saad pa ni Abalos, na pinuno rin ng Metro Manila Council, ang nasabing mga datos ang naging basehan ng mga alkalde ng Metro Manila na gawing apat na oras na lamang ang curfew sa lugar, mula 12:00 a.m. hanggang 4:00 a.m., simula ngayong Martes, Hunyo 15.

“This will give more time sa mga taong kakain sa restaurants, sa mga malls na magbukas may travel time, at siguro makatulong nang husto na sa ating ekonomiya. Ito’y pinasa ng lahat ng alkalde ng Kalakhang Maynila,” ani Chairperson Abalos.

Matatandaang nagsisimula sa alas-10 ng gabi ang dating curfew sa Kamaynilaan. 

Sinabi naman ni Trade Secretary Ramon Lopez na maaaring agad na mas palawigin ang oras ng pagbubukas ng mga establisyimento kasunod ng naturang pagpapaikli ng oras ng curfew sa Metro Manila.

“By extending by two hours, malaking tulong iyan doon sa mga establisyimento na iyon na makabangon,” pahayag ni Lopez.

PRRD INATASAN ANG PROBINSYA NG CEBU NA SUMUNOD SA IATF PROTOCOLS

admin

Ni Monica N. Ladisla
Source: PNA
Share on facebook
Facebook
Share on twitter
Twitter
Share on email
Email

Nagbigay na nang direktiba si Pangulong Rodrigo Duterte sa lokal na pamahalaan ng Cebu na sumunod sa itinakdang protocols ng Inter-Agency Task Force para sa papauwing overseas Filipino workers.

“The President has decided that the IATF protocols must be implemented by the Cebu province,” saad ni Presidential Spokesperson Harry Roque.

Sa ulat niya, nakasaad umano sa IATF rules na kailangang sumailalim sa 10 araw na quarantine ang OFWs at sa ikapitong araw sila sasailalim sa RT-PCR test.

Matatandaang iba ang protocol na ipinatutupad sa Cebu kamakailan kung saan agad na isinasagawa ang RT-PCR test sa OFWs na kadarating pa lamang ng bansa. Pinapayagan din ang mga residente ng Cebu na agad makauwi sa kani-kanilang tahanan kapag nagnegatibo ang kanilang resulta subalit muling isasailalim sa isa pang RT-PCR test ang mga ito sa ikapitong araw ng home quarantine.

“The last extension was just a preparation for full implementation of that decision,” paglilinaw ni Sec. Roque sa isinagawang extension diversion ng flights mula Mactan-Cebu International Airport papuntang Ninoy Aquino International Airport na naging epektibo mula Hunyo 5 hanggang 12.

Dagdag pa ni Sec. Roque, kinunsidera rin umano ng Pangulo ang suhestiyon mula sa Department of Health patungkol sa naturang isyu.

Kamakailan lamang nang personal na magpulong sina Pangulong Duterte at Cebu Governor Gwen Garcia  upang pag-usapan ang pagkakaiba ng protocols ng Cebu na kasalukuyang ipinatutupad ng IATF. Inatasan din ng Pangulo ang Department of Health na pag-aralan ang quarantine protocols sa naturang lugar.

DOH HANGAD ANG POPULATION PROTECTION SA NCR PLUS 8 BAGO MATAPOS ANG TAON

admin

Ni Monica N. Ladisla
Source: PNA
Share on facebook
Facebook
Share on twitter
Twitter
Share on email
Email

Ibinahagi ng Department of Health na hangad ng ahensyang makamit ang population protection sa NCR Plus 8 sa katapusan ng taon.

Subalit nilinaw ni Health Undersecretary Maria Rosario Vergeire na nakadepende pa rin ang layuning ito sa suplay ng bakuna sa bansa.

“For NCR Plus 8, ito po yung ating ini-estima na hopefully, by the end of the year, we will be able to achieve this, depending on the supplies that will come in,” ani Usec. Vergeire.

Kabilang sa NCR Plus 8 ang Metro Manila, Metro Cebu, Metro Davao, Bulacan, Batangas, Cavite, Laguna, Pampanga, at Rizal.

Ayon kay Usec. Vergeire, nakatuon ang layunin ng population protection sa ilang lugar sa bansa na lubhang naapektuhan ng COVID-19.

“Itong population protection also speaks of, here in the country, being able to vaccinate those most vulnerable because once you protect or once you vaccinate those most vulnerable the healthcare workers, the senior citizens, and also those with comorbidities, you get to see the reduction in hospitalizations and deaths,” paliwanag ni Usec. Vergeire.

Aniya, herd immunity ang hangad ng gobyerno sa bansa para sa long-term goal nito.

“Herd immunity is a long-term goal or a goal of every nation. Iyan ‘yung gusto ng mga bansa so that we can be able to have this immunity for our population. But right now, we are targeting the population protection,” paglilinaw ni Usec. Vergeire.

IATF: ‘FULLY VACCINATED NA SENIOR CITIZENS, PWEDE NANG LUMABAS NG KANILANG TAHANAN’

admin

Ni Raiza F. Cabugwang
Photo courtesy of pna.gov.ph
Share on facebook
Facebook
Share on twitter
Twitter
Share on email
Email

Pinahintulutan na ng Inter-Agency Task Force (IATF) on Emerging Infectious Diseases nito lamang Biyernes, Hunyo 11, na makalabas ng kani-kanilang mga tahanan ang senior citizens na nakakumpleto na ng kanilang bakuna kontra Coronavirus disease 2019 (COVID-19). 

Ayon sa pandemic task force ng bansa, kinakailangan lamang magpakita ang senior citizens ng kanilang COVID-19 vaccination cards sa mga awtoridad at sumunod sa minimum health standards.

Gayunpaman, nilinaw ng IATF na hindi pa rin pinapayagan ang interzonal travel sa fully vaccinated na senior citizens, bagkus ay maaari lamang silang magsagawa ng point-to-point travel.

Matatandaang ipinagbawal noon na makalabas ang mga indibidwal na edad 65 taong gulang pataas, maliban na lamang kung sila ay aalis ng bahay dahil sa importanteng kadahilanan, tulad ng pagbili ng mga pangangailangan o pagbisita sa doktor, dahil sa mas malaki ang posibilidad na magkaroon sila ng malalang kaso ng COVID-19 sakaling sila ay mahawa sa virus.

Samantala, makailang ulit nang umapela si Trade Secretary Ramon Lopez at ang ilang mga may-ari ng mga establisyimento sa IATF na luwagan ang restriksyon sa mga nabakunahang senior citizens upang makatulong ang mga ito sa muling pag-angat ng ekonomiya.

Sa pinakahuling tala ng pamahalaan, nasa 369,387 na seniors citizens na ang nakakumpleto ng dalawang doses ng COVID-19 vaccines, samantalang 1.5 milyon naman ang naturukan na ng unang dose ng naturang bakuna.

ISUMBONG: ‘CASHLESS’ VOTE-BUYING, HINDI MALABO — CPNP

admin

Ni Trish Alcantara
Photo: PNA
Share on facebook
Facebook
Share on twitter
Twitter
Share on email
Email

Hindi malabong magkaroon ng vote-buying gamit ang online banking o electronic cash transfer, pahayag ng PNP Chief ngayong Hunyo 14.

Sinabi ni PNP Chief PGEN Guillermo Lorenzo T. Eleazar na magsisimula na ng pakikipagdayalogo ang PNP sa iba pang ahensya gaya ng Comelec ukol sa isyu.

“Bubuo po tayo ng mekanismo hinggil dito. Pero magiging malaking tulong po kung tayo mismo ang magsumbong sa mga otoridad ng mga ganitong gawain,” paghihikayat ng PNP Chief.

Paalala rin ng hepe ng PNP, paglabag sa Omnibus Election Code ang vote-buying at selling.

“Tandaan din po natin na ang mga politikong bibili ng boto ay walang magandang hangarin para sa bayan at panay pansariling interes lamang ang pangangalagaan. Oras na makaupo ang mga ito ay tiyak na babawiin lang ang nagastos niya na ipinangbili ng inyong boto,” paliwanag ng PNP Chief.

CONTACT US

Anchored on its mantra, “Sentro ng Katotohanan, Tapat sa Mamamayan”, Balita Central Digital complements and supports the Balita Central newspaper published bi-monthly to combat fake news and to provide the public with easy-to-digest news bits that are sourced solely from the Presidency and government agencies. 

Balita Central is under the supervision of the Bureau of Communications Services (BCS), one of the attached agencies of the Presidential Communications Operations Office (PCOO).

Launched on February 28, 2019 at the Manila Light Rail Transit System Line 2 (LRT-2) Cubao Station, Quezon City, it also aims to raise awareness among local communities about the policies, programs, and accomplishments of the Presidency. 

Through this platform, Balita Central Digital aims to reach further the online community to deliver more accurate information and communication services in order to educate the citizenry regarding national issues which would enlighten them to be engaged and be empowered in contributing to building a better nation.

Balita Central is situated at the BCS Headquarters located beside the Philippine Cancer Society along San Rafael, San Miguel, Malacañang Complex, Manila City. Its official website address is balitacentral.ph.

For inquiries and feedback, Balita Central may be contacted at editorialdesk.bcs@gmail.com.