KAPULISAN TODO BANTAY SA MGA PAMILIHAN NGAYONG PAPALAPIT NA PASKO

Ni Monica N. Ladisla
Source: PNA
Share on facebook
Facebook
Share on twitter
Twitter
Share on email
Email

Mas paiigtingin ng Joint Task Force COVID Shield ang pagbabantay sa mga pamilihan at merkado upang masigurong nasusunod ang itinalagang health protocols at mapigilan ang pagkalat ng virus ngayong papalapit na ang Pasko.

Ayon kay Police Lt. Gen. Cesar Hawthorne Binag, pinuno ng Joint Task Force COVID Shield, nagtalaga na umano siya ng dagdag na pulis sa mga pampublikong lugar at sa mga lugar na madalas magkumpulan ang mga tao upang masiguro na nakasuot ang mga ito ng face mask at face shield, at nasusunod ang physical distancing.

“Magpapasko na nga, so itong mga places of convergence… dito, nag-doble kami ng aming mga tao. Ipinag-utos natin na ang kanilang visibility, doblehin,” pahayag ni Binag.

Inamin din niya na naging pagsubok sa pagpapatupad ng health protocols ng mga kapulisan ang ginawang paunti-unting pagbubukas ng ekonomiya.

Kaunay nito, nakiusap siya sa publiko na kung maaari ay iwasan muna ang out-of-town activities sa darating na Pasko sapagkat aniya, nananatili ang banta ng COVID-19 sa bansa.

“Pag-isipan ang galaw natin kung makaka-contribute ba tayo sa pag-solve nito o makakadagdag pa tayo sa problema ng ating bansa,” babala ni Binag.

Kamakailan, iniulat ni Binag na mayroon nang 500,000 katao ang naaresto at pinagmulta ng mga otoridad dahil sa paglabag sa health protocols mula ng unang ipatupad ang lockdown sa bansa bunsod ng pandemya.

CONTACT US

Anchored on its mantra, “Sentro ng Katotohanan, Tapat sa Mamamayan”, Balita Central Digital complements and supports the Balita Central newspaper published bi-monthly to combat fake news and to provide the public with easy-to-digest news bits that are sourced solely from the Presidency and government agencies. 

Balita Central is under the supervision of the Bureau of Communications Services (BCS), one of the attached agencies of the Presidential Communications Operations Office (PCOO).

Launched on February 28, 2019 at the Manila Light Rail Transit System Line 2 (LRT-2) Cubao Station, Quezon City, it also aims to raise awareness among local communities about the policies, programs, and accomplishments of the Presidency. 

Through this platform, Balita Central Digital aims to reach further the online community to deliver more accurate information and communication services in order to educate the citizenry regarding national issues which would enlighten them to be engaged and be empowered in contributing to building a better nation.

Balita Central is situated at the BCS Headquarters located beside the Philippine Cancer Society along San Rafael, San Miguel, Malacañang Complex, Manila City. Its official website address is balitacentral.ph.

For inquiries and feedback, Balita Central may be contacted at editorialdesk.bcs@gmail.com.