MAYNILA, SINIMULAN NA ANG COVID-19 VACCINE ROLLOUT NGAYONG ARAW

Ni Ivy Atompag
Photo: PNA
Share on facebook
Facebook
Share on twitter
Twitter
Share on email
Email

Prayoridad  ng lungsod ng Maynila ang pagbibigay ng COVID-19 vaccines sa mga medical frontliner sa pagsisimula nito ng vaccine rollout ngayong araw.

Kahapon ay dumating na ang 3,000 doses ng bakuna mula Sinovac sa COVID-19 Vaccine Storage Facility ng lungsod sa Sta. Ana Hospital.

“Ngayon, natanggap na namin ‘yung para sa local government hospitals, tomorrow we are going to have vaccination of our medical frontliners,” saad ni Mayor Francisco “Isko Moreno” Domagoso kahapon.

Pitong buwan nang naghahanda ang lokal na pamahalaan ng Maynila para sa rollout ng bakuna at umaasa umano si Mayor Isko na masusunod ang lahat ayon sa kanilang plano.

Unang tatanggap ng bakuna ang mga medical frontliner alinsunod sa direktiba ng pamahalaan at IATF-EID.

Sa kabila nito, nilinaw ng Mayor na hindi sila babakunahan ng Sinovac nang labag sa kanilang kalooban. 

Ang mga papayag umanong magpabakuna ng Sinovac ay tatanggapin hanggang may suplay. 

“Those who will change their mind later on at kung wala namang supply ng bakuna, they would need to wait kaya ako payo ko huwag nilang sayangin yung pagkakataon na meron nang bakuna ngayon dito sa atin sa lungsod na matagal na naman nating inaasam,” ani ng mayor.

Nauna nang sinabi ni Mayor Isko sa isang talumpati sa Philippine General Hospital na handa siyang tumanggap ng unang dose ng bakuna mula sa Sinovac tulad ng ginawa ng ibang opisyal ng gabinete sa pagsisimula ng rollout ng national vaccination program sa iba’t ibang ospital sa Metro Manila.

Ayon sa kaniya, gagawin niya ito upang lalong makumbinsi ang publiko sa kakayanan ng COVID-19 vaccine at mahiyakat na magrehistro ang mga ito para sa bakuna. 

Gayunpaman, pinaalalahanan niya pa rin ang publiko na ipagpatuloy ang pagsunod sa minimum health safety protocols.

CONTACT US

Anchored on its mantra, “Sentro ng Katotohanan, Tapat sa Mamamayan”, Balita Central Digital complements and supports the Balita Central newspaper published bi-monthly to combat fake news and to provide the public with easy-to-digest news bits that are sourced solely from the Presidency and government agencies. 

Balita Central is under the supervision of the Bureau of Communications Services (BCS), one of the attached agencies of the Presidential Communications Operations Office (PCOO).

Launched on February 28, 2019 at the Manila Light Rail Transit System Line 2 (LRT-2) Cubao Station, Quezon City, it also aims to raise awareness among local communities about the policies, programs, and accomplishments of the Presidency. 

Through this platform, Balita Central Digital aims to reach further the online community to deliver more accurate information and communication services in order to educate the citizenry regarding national issues which would enlighten them to be engaged and be empowered in contributing to building a better nation.

Balita Central is situated at the BCS Headquarters located beside the Philippine Cancer Society along San Rafael, San Miguel, Malacañang Complex, Manila City. Its official website address is balitacentral.ph.

For inquiries and feedback, Balita Central may be contacted at editorialdesk.bcs@gmail.com.