Smuggled Chinese cigarettes, Chinese medicines, ipinagbabawal na surgical masks, mga pagkain, footwears, garments, at iba pang imported goods na tinatayang nagkakahalagang PhP70-milyon ang nasabat sa isang warehouse sa Quirino Ave. Tambo, Paranaque City ng Bureau of Customs-Manila International Container Port (BOC-MICP) nitong Enero 18.
Kasama ng MICP Customs Intelligence and Investigation Service ang Enforcement and Security Service, Philippine Coast Guard, at National Bureau of Investigation sa naging inspeksyon sa nasabing warehouse.
Patuloy ang imbestigasyon at inventory ng mga naturang illegally imported goods para sa case build-up at pagsasampa ng kaso.