PRRD PABOR NA IPAGPALIBAN ANG PAGTATAAS NG PHILHEALTH CONTRIBUTION

Ni Raiza F. Cabugwang
Photo courtesy of pna.gov.ph
Share on facebook
Facebook
Share on twitter
Twitter
Share on email
Email

Sang-ayon si Pangulong Rodrigo Duterte na hindi muna ituloy ng Philippine Health Insurance Corporation (PhilHealth) ang plano nitong taasan ang kontribusyon ng mga miyembro nito habang kinakaharap pa ng bansa ang Coronavirus disease 2019 o COVID-19.

“Base sa usapan namin ni Pangulong Duterte, sang-ayon naman po siya na ipagpaliban pansamantala muna ang pagtaas sa rates ng contributions ng PhilHealth habang may pandemya pa tayong kinakaharap,” paglalahad ni Senator Christopher “Bong” Go.

Ayon pa sa Senador, handa aniyang pumirma ang Pangulo sakaling may ilabas na panukalang-batas ang Lehislatibo ukol sa pagpapaliban ng pagtataas ng nasabing kontribusyon o kaya naman ay tungkol sa pagdadagdag ng pondo upang maipagpatuloy ng ahensya ang paghahatid ng serbisyo nito sa publiko.

“Subalit, alam rin ng Pangulo na kailangan ng batas para maisakatuparan ang deferment, at kailangan ring masigurong hindi maaapektuhan ang serbisyo ng PhilHealth sa taumbayan,” pagpapatuloy ni Go.

Ngayong taon, plano ng PhilHealth na itaas ang kontribusyon ng mga miyembro nito sa 3.5 porsiyento ng kanilang buwang sahod mula sa dating tatlong porsiyento lamang na singil noong nakaraang taon. 

Ayon sa nasabing tanggapan, nakasaad sa Universal Health Care ang pagtataas ng premium rate ng mga miyembro ng PhilHealth ng 0.5 porsiyento kada taon, simula 2021 hanggang maabot nito ang limang porsiyentong limitasyon sa taong 2025.

CONTACT US

Anchored on its mantra, “Sentro ng Katotohanan, Tapat sa Mamamayan”, Balita Central Digital complements and supports the Balita Central newspaper published bi-monthly to combat fake news and to provide the public with easy-to-digest news bits that are sourced solely from the Presidency and government agencies. 

Balita Central is under the supervision of the Bureau of Communications Services (BCS), one of the attached agencies of the Presidential Communications Operations Office (PCOO).

Launched on February 28, 2019 at the Manila Light Rail Transit System Line 2 (LRT-2) Cubao Station, Quezon City, it also aims to raise awareness among local communities about the policies, programs, and accomplishments of the Presidency. 

Through this platform, Balita Central Digital aims to reach further the online community to deliver more accurate information and communication services in order to educate the citizenry regarding national issues which would enlighten them to be engaged and be empowered in contributing to building a better nation.

Balita Central is situated at the BCS Headquarters located beside the Philippine Cancer Society along San Rafael, San Miguel, Malacañang Complex, Manila City. Its official website address is balitacentral.ph.

For inquiries and feedback, Balita Central may be contacted at editorialdesk.bcs@gmail.com.