Dalawang miyembro ng local terrorist group sa Maguindanao ang sumuko sa mga pulis sa Regional Intelligence Unit-15 Headquarters ng Camp BGen Salipada K Pendatun Parang, Maguindanao nitong Pebrero 1.
Isang alyas “Dindin” at isang alyas “Monta” na ngayon ay mga ex-extremist militants sa ilalim ni Commander Gantang Sanoy a.k.a. “Commander Cosme” ng Karialan Faction ang nagsuko ng isang cal.50 Barrett Sniper Rifle na may isang live ammunition sa Police Regional Office-BAR matapos ang maikling negosasyon.
“We welcome this gesture of peace by former enemies of the state who laid down their arms and returned to the fold of the law,” sinabi ni Chief PNP Police General Debold M. Sinas.