DAGDAG NA SUPLAY NG BAKUNA SA CATANDUANES, panawagan ng lokal na pamahalaan

LOCAL

Ni M.L.
Source: PNA
Share on facebook
Facebook
Share on twitter
Twitter
Share on email
Email

Umapela ang lokal na pamahalaan ng Catanduanes, ang nag-iisang probinsya sa bansa na nananatiling nasa Alert Level 4 hanggang sa katapusan ng Nobyembre, na mabigyan pa ng mas maraming suplay ng bakuna upang mapababa ang bilang ng positibong kaso sa naturang lugar.

Ayon kay Catanduanes Governor Joseph Cua, tinatayang nasa 65,478 katao o 24 porsyento ng populasyon ng Catanduanes ang nakatanggap na ng kumpletong bakuna kontra COVID-19.

Sa kasalukuyan umano, may kapasidad ang probinsya na magbakuna ng aabot sa mahigit apat na libong katao bawat araw at naglaan na rin ng dalawang bus para sa mobile inoculation. 

Upang makumbinsi ang mga tao na magpabakuna, namimigay na rin umano ang mga lokal na opisyal ng food packs ayon sa Gobernador.

“Gusto ko pong ipahatid sa aming lalawigan at sa National Government ang [pangangailangan ng] karagdagang vaccine allocation para maipagpatuloy namin ang pagbakuna at ma-reach namin iyong herd immunity,” pakiusap ni Gov. Cua.

Isinailalim ang Catanduanes sa Alert Level 4 nitong Nobyembre 17. Ayon kay Gov. Cua, isa sa mga dahilan ng pagkakalagay ng probinsya sa naturang alert level ay ang 82 porsyento nitong hospital utilization rate.

Ito ay dahil umano sa kakulangan sa ospital sa naturang lugar kung saan isa lamang ang provincial hospital at dalawa naman ang pribadong ospital.

Sa pinakahuling ulat ni Gov. Cua, mayroong kumpirmadong 27 kaso ng Delta variant sa probinsya. Ayon naman sa datos ng probinsya nitong Nobyembre 17, naitala ang 2,868 na kaso kung saan 154 sa mga ito ang kasalukuyang aktibo.

Walang vaccine, bawal magtinda sa tiangge — NCR mayors

LOCAL

Ni I.A.
Photo: PNA
Share on facebook
Facebook
Share on twitter
Twitter
Share on email
Email

Kinakailangan na ngayong maging fully vaccinated laban sa COVID-19 ang mga tindera at iba pang tauhan sa mga tiangge at pamilihan sa NCR alinsunod sa bagong resolusyong ibinaba ng Metro Manila Council (MMC) na binubuo ng 17 alkalde sa rehiyon at Metropolitan Manila Development Authority (MMDA).

Ayon sa resolution No. 21-27, series of 2021, required na ang lahat ng tindera at manggagawa sa mga tiangge at bazaar sa Metro Manila na maging bakunado bago magbukas ang mga ito ng kani-kanilang negosyo sa publiko lalo na ngayong paparating na kapaskohan. 

“In order to guard against exposure to and/or infection with the Covid-19 virus similar to the September 2019 polio outbreak, there is a need to require all traders, salespersons, exhibitors, organizers, and other personnel to be fully vaccinated,” saad ng resolusyon.

Inaasahan umano ang pagdagsa ng mga tao ngayong holiday season at karamihan sa mga tindera at manggagawa dito ay nanggagaling pa sa iba’t ibang parte ng bansa kung kaya’t magiging mahirap ang contact tracing. 

“These bazaars, tiangges, and pop-up stores are seasonal in nature and their traders, salespersons, exhibitors, organizers, and other personnel come from different parts of the country thereby making contact tracing highly difficult on the part of the concerned local government units in the event of COVID-19 exposure or infection,” dagdag ng resolusyon. 

Layon din ng resolusyong magtalaga ng pinag-isang patakaran at guidelines para sa pagsasagawa ng mga tindahan at tiangge sa Metro Manila.

RT-PCR TEST ‘DI NA KAILANGAN para sa mga turista ng Bora simula Nobyembre 16

LOCAL

Ni R.F.C.
Photo courtesy of pna.gov.ph
Share on facebook
Facebook
Share on twitter
Twitter
Share on email
Email

“I’m happy to report na by November 16, next week, tatanggalin na namin ‘yong requirement ng RT-PCR (reverse transcription-polymerase chain reaction) test sa mga lahat na pumupunta sa Boracay.”

Ito ang ibinalita ni Aklan Governor Florencio Miraflores nitong Biyernes, Nobyembre 12, tungkol sa hindi na paghingi ng kaniyang lugar na nasasakupan ng negative RT-PCR test result mula sa mga piling turistang bibisita sa isla ng Boracay simula sa nasabing petsa.

Gayunpaman, pagdating sa isla ay kinakailangan pa ring magpakita ng patunay na fully vaccinated na ang turista.

“Ang kailangan na lang, kung kumuha sila ng QR (Quick Response) code nila, ang kailangan na lang, instead ng RT-PCR test na nire-require namin, magsa-submit na lang sila ng vaccination certificate or VaxCertPH under the (Department of Information and Communications Technology o DICT) website, o kung mahirapan sila kumuha niyan, ‘yong kanilang vaccination card na may QR code galing sa issuing (local government unit). In the absence ng dalawang iyan, pwede rin silang kumuha ng vaccination certificate sa issuing LGU (local government unit) para makita namin kung saan talaga sila nagpabakuna,” paliwanag ng gobernador ng Aklan.

Iginiit din ng opisyal na iyong mga hindi pa bakunado o iyong nakapagpabakuna pa lamang ng una sa dalawang dose ng kanilang Coronavirus disease 2019 (COVID-19) vaccine brand ay kinakailangan pa ring magpresenta ng kanilang negatibong RT-PCR test result kapag bibisita sa isla.

Sinabi rin ni Governor Miraflores na mayroon silang mga sistemang nakatalaga para masigurong mahuhuli ang mga magpapakita ng pekeng vaccination certificates.

“Meron naman tayong validating team diyan, kagaya ng pag-validate natin ng RT-PCR test. Kaya nga ‘yong nire-require natin na vaccination certificate ay ‘yong galing sa DICT, ‘yong VaxCert natin, kasi madali natin ‘yon i-verify,” paliwanag ni Miraflores.

Hindi rin aniya magiging problema kung wala pang maipakitang VaxCert na galing mismo sa DICT dahil tatanggapin pa rin naman iyong vaccination cards na inisyu ng LGU.

Ayon pa sa gobernador, nasa 94 porsyento ng tourism workers sa Boracay ang fully vaccinated na kontra COVID-19. 

“Sa atin namang general population, 94 percent ang nakakuha ng first dose, at ang naka-second dose is 70 percent. So, nakuha na namin ang herd immunity ng general population ng isla ng Boracay. So, tuloy-tuloy pa rin ang aming vaccination program dito, para makuha talaga namin ‘yong 100 percent vaccination rate ng aming isla ng Boracay,” saad ni Miraflores.

ORMOC CITY, PIONEER sa paglulunsad ng PROTEKSYON PARA SA MGA BATANG INA

LOCAL

Ni I.A.
Photo: PNA
Share on facebook
Facebook
Share on twitter
Twitter
Share on email
Email

Ang Ormoc City sa probinsya ng Leyte ang kauna-unahang lungsod na nakipagtulungan sa Commission on Population and Development (PopCom) para sa social protection program for adolescent mothers and their children o SPPAMC. 

Layon ng programang siguruhin na hindi maiiwan sa pag-unlad ang mga batang ina at mga anak ng mga ito. 

Pinuri ni PopCom Region VIII Director Elnora Pulma ang lungsod para sa pagsisikap nito. 

“With commendations to the city for recognizing the value of the program, I believe that Ormoc, with the able leadership of Mayor Richard Gomez, will encourage other LGUs in operationalizing the same in their area. They can be assured of our agency’s full and unwavering support for its successful implementation,” saad ni Pulma.

Isinusulong ng Executive Order (EO) 216 na pinirmahan ni Mayor Richard Gomez ang patuloy na probisyon ng iba’t -ibang oportunidad sa mga batang ina. 

Ayon naman sa pahayag ni PopCom chief Dr. Juan Antonio Perez, sinisiguro ng SPPAMC na makakasama sa paglago ng bansa ang 200,000 na mga batang ina at anak.

Paggamit ng FACE SHIELD SA MGA MALL SA MAYNILA, ‘DI NA KAILANGAN

LOCAL

Ni I.A.
Photo: PNA
Share on facebook
Facebook
Share on twitter
Twitter
Share on email
Email

Pinanatili ng lokal na pamahalaan ng lungsod ng Maynila ang bagong patakaran nitong tanggalin na ang paggamit ng face shield sa mga pampublikong lugar bukod sa mga ospital at iba pang pasilidad na pang-medikal. 

Ang mga mall sa siyudad ay pinaalalahanan patungkol sa Executive Order (EO) 42 matapos mapag-alamang ang ilang establisyimento ay nagrerequire pa rin ng pagsusuot ng face shield sa loob. 

Ito ay taliwas sa panawagan ni Presidential Spokesperson Harry Roque sa mga lokal na pamahalaan na hintayin muna ang pinal na desisyon ng IATF-EID patungkol sa pagtatanggal ng face shield bilang karagdagang proteksyon laban sa COVID-19. 

Nauna nang inaprubahan ng Pangulong Rodrigo Duterte ang limitadong paggamit ng face shield sa mga sarado at matataong lugar tulad ng mga mall. 

Ayon kay Manila Mayor Francisco ‘Isko Moreno’ Domagoso, prayoridad ngayon ng Maynila ang pagbabakuna sa mga residente nito.

20K BONUS NAGHIHINTAY SA MGA BAKUNADONG EMPLEYADO ng Cebu City Hall

LOCAL

Ni M.L.
Source: PTV News
Share on facebook
Facebook
Share on twitter
Twitter
Share on email
Email

Handang mamigay ng P20,000 bonus ang lokal na pamahalaan ng Cebu City sa mga empleyado nito subalit kailangan umanong bakunado na lahat ang mga ito, ayon kay Acting City Mayor Michael Rama.

Ayon kay Rama, P5,000 lamang aniya ang naunang plano ng lokal na pamahalaan na ipamahagi subalit humirit umano ang mga empleyado na taasan ito.

Aniya, ang insentibong ito ay ginagawa ng lokal na pamahalaan upang makatulong sa vaccination campaign ng gobyerno.

Bilang empleyado ng gobyerno, kailangan din umanong magpakita ng magandang halimbawa ng mga ito sa publiko sa pamamagitan ng pagpapabakuna.

Target umano ng lokal na pamahalaan na mabakunahan ang 70 porsyento ng populasyon nito bago matapos ang taon upang makamit ang population protection.

“I don’t want to focus on the so-called whether there is a violation or what, but we focus now on the thrust of the national government that with the advent of vaccines, we must show to the world, to the whole country that the employees of the city of Cebu will set as examples,” ani Rama.

Sang-ayon din si Cebu City Councilor Joel Garganera sa kondisyong inihain ni Mayor Rama.

Ayon sa kanya, “We have to remember that the city is the first local government unit to bar non-vaccinated individuals from dining in. With that, what would be our moral ascendancy if our own workers are not vaccinated, yet we are requiring bars, restaurants to ensure that their workers must be vaccinated.”

Nilinaw naman ng alkalde na hindi mandatory ang isasagawang pagbibigay ng bonus.

NASA 1M ‘MATATAPANG’ NA MANILENO, BAKUNADO!

LOCAL

Ni I.A.
Photo: PNA
Share on facebook
Facebook
Share on twitter
Twitter
Share on email
Email

Kaninang umaga ay nakapagbakuna na ng 1,000,021 doses ng COVID-19 vaccine ang Maynila sa mga residente nito. 

Ayon sa Manila Public Information Office, 657,748 na ang nakatanggap ng kanilang unang dose, habang 342,273 na ang fully vaccinated. 

Ang mga second dose na Sinovac jabs ay ibinigay sa mga mall at eskwelahan sa anim na distrito habang ang mga second dose ng Sputnik jabs ay ini-roll out sa San Andres Sports Complex sa Malate. 

“Huwag tayong matatakot. Huwag tayong susuko. Huwag tayong mawawalan ng pag-asa. Mananalo tayo. Siguradong mananalo tayo,” saad ni Manila Mayor Francisco “Isko Moreno” Domagoso sa flag-raising ceremony na ginanap sa harap ng City Hall.

TAAL EVACUEES BIBIGYANG PRAYORIDAD SA BAKUNA NG LOKAL NA PAMAHALAAN NG BATANGAS

LOCAL

Ni Monica N. Ladisla
Source: PNA
Share on facebook
Facebook
Share on twitter
Twitter
Share on email
Email

Ibinahagi ni Batangas Governor Hermilando Mandanas na prayoridad sa ngayon ang pagbabakuna ng residenteng naapektuhan ng pag-alburoto ng Bulkang Taal kamakailan.

Ayon kay Governor Mandanas, may nakahandang test kits ang lokal na pamahalaan para sa mga evacuees at mayroon na ring mahigit walong libong dose ng karagdagang bakuna mula sa Metro Manila Council.

“Sa pamamagitan ni Chairman Benhur Abalos umaabot na ito, mga walong libo tapos mayroong dala si Secretary Duque bukas, pupuntahan mismo sa Laurel, at katabing bayan ng Agoncillo,” pahayag ni Governor Mandanas.

Tinatayang umabot sa 5,900 pamilya o 15,000 katao mula sa limang barangay mula sa bayan ng Agoncillo at Laurel ang direktang naapektuhan ng naturang bulkan.

Kaugnay nito, aabot na umano sa 15,000 indibidwal mula sa Batangas ang nailikas bunsod ng sulfur dioxide mula sa bulkan na maaaring makaapekto sa kalusugan ng isang tao.

“Ibang bayan siyempre lumilikas na rin dahil naamoy na ‘yung sulfur,” ani Governor Mandanas.

Dagdag pa niya, dadalhin muna umano ang mga bakuna sa District Hospital sa Laurel bago ito ipamahagi sa mga evacuation centers.

Nitong Linggo, iniulat ng Philippine Institute of Volcanology and Seismology na tinatayang mananatiling nasa Alert Level 3 ang Bulkang Taal habang patuloy pa rin ang pagbuga nito ng volcanic sulfur dioxide.

PAGBABAKUNA SA MGA ‘BEDRIDDEN’ NA RESIDENTE NG NAVOTAS, NASA A5 KATEGORYA, UMARANGKADA NA

LOCAL

Ni Carolina Tongko
Photo courtesy of Navoteño AKO! FB
Share on facebook
Facebook
Share on twitter
Twitter
Share on email
Email

Sinimulan na ng lokal na pamahalaan ng Navotas ang pagbabakuna kontra COVID-19 sa mga residente nitong bedridden o nakaratay sa karamdaman nitong Huwebes, Hunyo 17. 

Nagbahay-bahay sa mga barangay ng Tangos North at South ang vaccination teams ng lungsod at umabot sa 30 na bedridden senior citizens ang nakatanggap ng paunang dose. 

Ayon kay Navotas City Mayor Toby Tiangco, pinalawig ng lungsod ang kanilang kampanya laban sa COVID-19 sa mga residente nitong nakaratay sa banig ng karamdaman upang matiyak na ang lahat ng nasasakupan nito ay makatatanggap ng bakuna sa lalong madaling panahon.

“Even if they always remain at home, COVID-19 infection and household transmission is still possible as long as their family members are doing transactions and activities outside. We put a premium on the health of Navoteños and we are willing to go the extra mile to keep them safe and well,” saad ng alkalde.

Bukod dito, sinimulan na rin ang pagbabakuna sa mga residente nito na nasa A5 category. Ayon kay Mayor Tiangco, 160 benepisyaryo ng Pantawid Pamilyang Pilipino Program (4Ps) ang nabakuhan ng Pfizer sa Tumana Health Center. 

“We are exerting all efforts for Pfizer to reach the poorest of the poor. We have sought the help of our 4Ps coordinator to bring our indigent constituents to the vaccination site,” dagdag pa ni Mayor Tiangco.

Sa tala ng Navotas City Health Office nitong Hunyo 17, umabot na sa 56,999 ang nakatanggap ng paunang dose ng COVID-19 vaccine habang 15,039 naman ang nakakumpleto na ng dalawang doses.

ABU SAYYAF COMMANDER, SUICIDE BOMBER PATAY SA SAGUPAAN SA MGA PULIS SA SULU

LOCAL

Ni Trish Alcantara
Photo: PNP-PIO
Share on facebook
Facebook
Share on twitter
Twitter
Share on email
Email

Patay ang isang notorious Abu Sayyaf sub-leader at tatlo pa nitong kasama, kabilang na ang kapatid ng Jolo Cathedral bomber na si Mundi Sawadjaan, sa isang police counter-terrorism operation sa Sulu nitong Hunyo 13.

Nakilala ang mga natigok na suspek na sina Comm. Injam Yaddah, Al-Al Sawadjaan, at isang alyas “Rauf/Raup”.

Isang hindi pa nakikilalang diumano’y Abu Sayyaf member din ang napatay, samantalang arestado naman ang asawa ni Yaddah na si Jenalyn Habibi Jairi alyas “Jhing”.

Nareskyu naman ang tatlong anak ni Yaddah sa nasabing operasyon.

Hahainan sana ng warrant of arrest si Yaddah, Jairi, at mga kasama ng mga ito sa Upper Alat Brgy. Alat Jolo, Sulu ng 1:30 a.m. ng madaling araw nang makipagputukan sa mga pulis.

Nakuha sa encounter site ang isang M16A1 na kargado ng bala, isang cal.45 na kargado rin, IED components, isang cellphone, isang Red Honda XRM, at detonating cords at blasting cap.

Sangkot diumano si Yaddah sa iba’t ibang kaso ng kidnapping ng foreign nationals, na ang pinakahuli ay si Rex Triplett sa Sirawai, Zamboanga Sibugay noong Setyembre 2020, at lima pang Indonesian nationals sa karagatan ng Malaysia noong Enero 2020. Nareskyu naman ang foreign nationals sa isang operasyon sa Tawi-Tawi.

Suicide bomber at IED-maker naman diumano si Sawadjaan, samantalang Abu Sayyaf member naman si Rauf/Raup sa ilalim ni Yaddah.

Dinala ang mga bangkay sa 11th Infantry Division.

CONTACT US

Anchored on its mantra, “Sentro ng Katotohanan, Tapat sa Mamamayan”, Balita Central Digital complements and supports the Balita Central newspaper published bi-monthly to combat fake news and to provide the public with easy-to-digest news bits that are sourced solely from the Presidency and government agencies. 

Balita Central is under the supervision of the Bureau of Communications Services (BCS), one of the attached agencies of the Presidential Communications Operations Office (PCOO).

Launched on February 28, 2019 at the Manila Light Rail Transit System Line 2 (LRT-2) Cubao Station, Quezon City, it also aims to raise awareness among local communities about the policies, programs, and accomplishments of the Presidency. 

Through this platform, Balita Central Digital aims to reach further the online community to deliver more accurate information and communication services in order to educate the citizenry regarding national issues which would enlighten them to be engaged and be empowered in contributing to building a better nation.

Balita Central is situated at the BCS Headquarters located beside the Philippine Cancer Society along San Rafael, San Miguel, Malacañang Complex, Manila City. Its official website address is balitacentral.ph.

For inquiries and feedback, Balita Central may be contacted at editorialdesk.bcs@gmail.com.