Nasa 198 Huawei Matebook D15 Notebook, 1,600 Oppo A9 2020, at 3,240 Oppo A31 kasama na accessories tulad ng headsets, power cords, at chargers na forfeited at abandoned ang nakatakdang i-donate ng Bureau of Customs (BOC) sa Department of Education.
Ito’y alinsunod sa Sec. 1141 ng Customs Modernization and Tariff Act (CMTA) at iba pang rules at regulations at kinakailangang donation procedures.
Sinabi ni District Collector Atty. Ruby Alameda na makatutulong ang donasyon sa distant learning ng mga Pilipino ngayong panahon ng pandemya.
Ang naturang electronic items na kasama sa inventory ng BOC-Clark ay resulta ng forfeiture at final abandonment decrees dahil sa paglabag sa Sec. 117 at 1113 ng CMTA.