Nagpirmahan kamakailan ang Philippine National Police (PNP) at Anti-Money Laundering Council (AMLC) para magtayo ng isang liaison office na magpapadali ng palitan ng impormasyon sa pagitan ng dalawang ahensya hinggil money laundering at terrorist financing sa bansa.
Binigyang-bisa ng memorandum of agreement na pinirmahan nina PNP Chief Police General Debold Sinas at AMLC Executive Director Mel Georgie Racela nitong Pebrero 15 ang pagtatatag ng PNP-AMLC Fusion Center na handa nang magamit.
“The Fusion Center will serve as the information sharing hub between the PNP and the AMLC to efficiently exchange information and intelligence, maximize resources, streamline operations, and improve the ability of the PNP and the AMLC to fight money laundering, terrorist financing, and other crimes by merging data from a variety of sources,” paliwanag ng PNP Chief.